Заданні спатрэбяцца вучням для праверкі сваіх ведаў
Праца з тэкстам
1) Лічыцца, што зязюлі – кепскія маці. Гнездаў сваіх не маюць, яйкі нясуць проста на зямлі, пасля ў дзюбе ці ў лапках пераносяць у чужыя гнёзды. Галоўнае, каб па форме і па колеры падкінутыя яйкі не дужа адрозніваліся ад астатніх.
Падкідыш на свет з’яўляецца першым і за 3-4 дні па чарзе выкідвае з гнязда астатнія яйкі.
Вучоныя зна..шлі апра..дан..е маці-з..зюлі. Аказваец..а, падкідвае свае яйкі ў чужыя гнёзды таму, што ў адрозненне ад іншых птушак яна есць так званых в..ласатых вусеняў матылькоў, якія лічацца ядавітымі. Інстынкт па..казвае зязюлі: калі сама імі буд..е карміць сваё дзіця – толькі нашкодзіць яго здароў..ю. Так зязюля ратуе сваіх птушанят!
- Вызначце стыль тэксту
- Дайце загаловак
- Каму адрасаваны тэкст?
- Запішыце апошні абзац, устаўце прапушчаныя літары. Падкрэсліце найбольш важны па сэнсе сказ.
2)Над Нёманам – тры векавыя дубы. На дубе буслянка. Бусел там стаіць нерухомы, як помнічак. Бусляняты амаль зусім дарослыя. Толькі зблізку адрозніш іх ад бацькоў.
Нечакана бусляняты ўзняліся ў неба і з’явіліся на блакіце. Маладых можна было пазнаць па дзюбах, па нагах – яшчэ не чырвоных. Па тым, як яны, пакружыўшыся для размінкі над родным дубам, пачалі садзіцца на гняздо. Павіселі над ім, перабіраючы цыбамі, няўдала цэлячыся імі, каб хаця ж не міма.
А потым прыляцеў надубны гаспадар. Чырвананосы, чырвананогі, з жабай у дзюбе. На гняздо ён сеў упэўнена, адразу. Пачулася нецярплівае, пястотнае сіпенне буслянят.
- Загаловак
- Вызначце мэту тэксту
- У якім стылі напісаны тэкст? Яго прыметы
- З чым параўноўвае бусла пісьменнік? Чаму?
- Як аўтар апісвае маладых буслоў?
- Як называе пісьменнік старога бусла і чаму?
- Перакажыце змест апавядання, прыдумаўшы працяг да яго.